Kurtzetxikiko Bira SL-GI 42

Ibilbide labur honek hainbat sekretu eskaintzen ditu. Ospitale ingurutik hasi eta Kurtzetxikiko Larragain tontorrerako bidean artadi eder bat dago, eta errekuperatutako elurzulo bat. Aukera ematen du Gipuzkoako, Bizkaiko eta Arabako tontor ezagun batzuen panoramikaz gozatzeko.

Interesguneak

Kurtzetxikiko ikuspegiak: Kurtzetxikiko Larragain tontorretik mendebalderantz Leintz bailara osoa, eta ekialderantz Aizkorri mendikatearen ikuspegia.

Gotorlekua: Larragaingo gailurrean eraiki zuten aldibaterako defentsa gotorlekua, material iraunkorrik barik egina. Napoleonen garaiko gerretakoa, erretiradan eraikia, edo karlistadetakoa izan daiteke, XIX. mendekoa. Gauregun bere forma bakarrik antzeman daiteke erliebean.

Elurzuloa: putzua dago lurrean zulatua, eta kareharriz eta hareharriz inguratuta beheraino. Hortik ateratako izotzaz egiten ziren izozkiak eta sorbeteak. Erabiltzen zuten ere edariak hozteko eta meningitisa bezalako gaitzak sendatzeko.

Artadi kantauriarra (Quercus ilex): klima mediterraneoari lotutako basoa itxia dugu, gorde dena gainazaleko lurzoruetako eremuetan. Horri lotuta daude klima mediterraneoko espezie tipikoak, adibidez endalaharra (Smilax aspera).